2021 жылдың 05 қазанында «Ақпараттық-коммуникациялық технологиялар» кафедрасының тәрбие жұмысының жоспарына сәйкес Қазақстан Республикасы Тәуелсіздігінің 30 жылдығына арналған «Менің мамандығым-менің мақтанышым» атты студенттік онлайн-конференция өткізілді. Конференцияға Алматы қаласының университеттері қатысты: С.Ж.Асфендияров атындағы Қазақ ұлттық медицина университеті, Абай атындағы Қазақ ұлттық педагогикалық университеті, Caspian university және Қазақстан-Ресей медициналық университеті.
Конференцияны тәрбие жұмысы жөніндегі проректор Т.А. Совостьянова ашты.
Конференцияның мақсаты: мамандық таңдау туралы мәселені өзектендіру және оның жеке таңдауының дұрыстығын талдау.
Конференция жұмысында 1, 2 және 3 дәрежелі диплом алған жүлдегерлер анықталды. Қалған қатысушыларға сертификаттар табысталды.
1 курс білім алушыларын университеттің қызметімен, тарихымен және дәстүрлерімен, сондай-ақ оның инфрақұрылымымен таныстыру мақсатында 2021 жылы 30 қыркүйекте университетте дәстүрлі іс-шара, «Мамандыққа алғашқы қадамдар» кәсіби бағдарлау күні өтті.
Іс-шараның басты мақсаты – 1 курс білім алушыларын университетпен, факультеттермен және мамандықтармен таныстыру, оқу процесі және көп деңгейлі білім берудің артықшылықтары туралы айту. Университеттің ерекшелігі мен бірегейлігі неде және алдағы перспективалар қандай болатынын түсіндіру. Сонымен қатар студенттер университеттің материалдық-техникалық базасы – кітапханаларды, оқу залдарын, компьютерлік сыныптарды, оқу-клиникалық орталықты, спорт залын, зертханаларды, стоматологиялық кабинеттерді және басқа да бөлімшелерді жабдықтау туралы білді.
Университетте 2021 жылдың 5-8 қазан аралығында барлық курстар мен факультеттердің кураторлары мен тәлімгерлері «Терроризм – қауіпті қалай білуге болады?» тақырыбында кураторлық сағаттар өткізілді. Білім алушыларға «Террористік сипаттағы төтенше жағдайдың қаупі мен туындауы кезіндегі іс-әрекет тәртібі туралы» тақырыбында презентация көрсетілді. Білім алушылар келесі құжаттармен танысты: «Террорлық сипаттағы төтенше жағдайлар қаупі және туындауы кезінде университет білім алушыларының іс – әрекет тәртібі туралы» нұсқаулығы, «Террорлық акт қатері кезіндегі іс- әрекет туралы» жадынама, «Терроризм-қауіпті қалай білуге болады?» материалдары. Терроризмнің мәні және террористердің құрбанына айналу ықтималдығын азайтатын сақтық шараларын үнемі орындау қажеттілігі туралы әңгіме жүргізілді.
2021 жылдың 30 қыркүйегінде университетте 1 курс студенттері көрнекті ғалым, қоғам қайраткері, еліміздегі хирургтар мектебінің негізін қалаушы, Халықаралық хирургтар қауымдастығының мүшесі, Халық Қахарманы Мұхтар Әлиұлы Әлиевтің мұражайымен танысты. Мұражайда М.Ә.Әлиевтің балалық шағы, отбасы, студенттік кезеңі туралы фотоқұжаттар; ғылымдағы жетістіктері туралы құжаттар; ҚР Денсаулық сақтау министрі лауазымында болуы туралы құжаттар; А.Н.Сызғанов атындағы «Клиникалық және эксперименттік хирургия орталығының» президенті болып тағайындалуы туралы құжаттар және жеке заттардың шағын коллекциясы ұсынылған. Студенттер ұлы хирург және ғалымның тұлғасына үлкен қызығушылық танытты.
Академик М.Ә.Әлиевтің мұражайына барып, оның қызметімен, өмірлік ұстанымымен және өмір жолының маңызды мәселелерімен танысқан студенттер болашақ таңдаған мамандығын игерудің дұрыс бағытын алды деп сенеміз.
2021 жылдың 30 қыркүйегі мен 02 қазанында қарттар күніне орай университет студенттерінің қатысуымен сенбілік өткізілді. Іс-шара «Шаңырақ» әлеуметтік қызметтер орталығында өтті. Еріктілер қозғалысының жетекшісі, морфологиялық пәндер кафедрасы курсының меңгерушісі Н. Н. Правин ұйымдастырды.
Тәуелсіз елімізде өмір сүріп отырған түрлі ұлт өкілдері арасындағы достық пен бірлікті нығайту барысында мемлекеттік тілге құрмет сезімдерін қалыптастыру мақсатында 2021 жылы қыркүйектің 22 – сі күні Тілдер мерекесіне орай, Тіл пәндері кафедрасының ұйымдастыруымен «Тіл – достықтың тірегі» атты онлайн мерекелік іс-шара өтті.
Аталмыш шараға университеттің тәрбие жөніндегі проректоры мен бөлім басшысы, оқытушылар мен 1-курс студенттері қатысты.
Үш тілді еркін меңгерген студенттер тақырыпқа орай өз ойларымен бөлісіп, пікір алмасты. Қазақ, орыс, ағылшын, неміс тілдерінде өлеңдер оқылып, музыкалық композициялық шығармалар орындалды.
Жастар арасында діни экстремизм мен терроризмнің алдын алу мақсатында 2021 жылғы 14 қыркүйекте Алматы қаласы Дін істері басқармасымен бірлескен жұмыс аясында Алматы қаласы ақпараттық-түсіндіру тобының мүшесі, әл-Фараби атындағы ҚазҰУ аға оқытушысы, философия ғылымдарының кандидаты Кантарбаева Жанна Уринбасарқызы мен онлайн кездесу өтті. Кездесу барысында тыңдаушыларға деструктивті діни ағымдардың ерекшеліктері, экстремистік және террористік ұйымдарға тартудың психологиялық әдістері туралы айтылды.
Сондай-ақ, Спикер қоғамдық қауіпсіздікті сақтау және мемлекеттің өркендеуі үшін конфессияаралық келісімнің маңыздылығын атап өтті. Іс-шара барысында қатысушылар өздерін қызықтырған сұрақтарға жауап алды.
Мемлекеттік білім грантына ілікпеген талапкерлер мемлекеттің кепілдігімен білім беру кредитін ресімдеу арқылы өз оқуларын төлей алады. Білім беру кредитін қазақстандық колледждер мен жоғары оқу орындарында оқу үшін алуға болады.
Негізгі талаптары:
- білім беру кредиті кепілзатсыз «Қаржы орталығы» АҚ-ның кепілдігімен беріледі;
- кепілдік мөлшері – негізгі қарыз сомасының 50% – нен 100% – ке дейін және студенттердің үлгеріміне байланысты;
- білім беру деңгейлері – жоғары және жоғары оқу орнынан кейінгі білім;
- пайыздық мөлшерлеме – жылдық 20%;
- жеңілдікті кезең – негізгі қарызды төлеу мерзімін кейінге қалдыру мүмкіндігі бар. Негізгі борыш сомасын өтеу оқу мерзімі аяқталғаннан кейін және оқу бітіргеннен кейін 6 айдан соң жүргізіледі.
- кредит сомасы – оқу құнына тең;
- кредитті рәсімдеу – студенттің атына кредит желісі ашылады, кредит желісі шеңберінде кредит транштармен беріледі, бір транш семестр немесе академиялық жыл үшін оқу құнына тең.
Екінші деңгейдегі банк – «Нұрбанк»АҚ-мен келісім жасалды, оларға Қоғамның кепілдігімен кредиттер беріледі.
Статистикалық деректер:
- берілген кепілдіктер саны – 7 287 кепілдік;
- кепідендіру сомасы – 1,9 млрд. теңге;
- кредит сомасы – 2,0 млрд. теңге;
Білім беру кредиті туралы толық ақпаратты мына байланыс деректері бойынша «Қаржы орталығы» АҚ-дан алуға болады:
Нұр-Сұлтан қ-сы, Мәңгілік ел д-ы, 18.
Call-центр – 8 (800) 080-28-28 (қоңырау шалу ТЕГІН), 8 (7172) 695-127
Веб-сайт: www.fincenter.kz
2021 жылғы 08 шілдеде Қазақстан-Ресей медициналық университетінде қашықтықтан форматта 2021 жылғы бітірушілерге диплом тапсыру салтанатты рәсімі өтті.
Рәсім Қазақстан Республикасының Мемлекеттік Гимнін орындаудан басталды. Университет ректоры, медицина ғылымдарының докторы, профессор, Қазақстан Республикасының еңбек сіңірген қайраткері Нұрлан Темірбекұлы Жайнақбаев барлық бітірушілерді оқуды сәтті аяқтауымен құттықтап, кәсіби және ғылыми қызметіне табыс, ақ жол тіледі.
Дипломдар тапсыру рәсіміне біздің серіктестер – қалалық денсаулық сақтау ұйымдарының басшылары мен қызметкерлері және мемлекеттік емтихан комиссияларының мүшелері: медицина ғылымдарының кандидаты, профессор М.Т.Сейдуманов, медицина ғылымдарының кандидаты, ІІД емханасының бас дәрігерінің орынбасары А.А.Сармасаева, ҚР Қорғаныс министрлігі орталық емханасының бас дәрігері Г.Ж.Айдаров, №4 қалалық клиникалық аурухананың мейірбике ісі жөніндегі бас дәрігерінің орынбасары С.К.Сагаева және т. б. қатысты.
Тәрбие жұмысы жөніндегі проректор Т.А. Совостьянова түлектерді құттықтап, үздік диплом беру туралы бұйрықты оқыды, сондай-ақ университеттің қоғамдық өміріне белсенді қатысқаны үшін алғыс хат алған студенттердің тізімін жариялады, сонымен қатар ковидтік орталықтарда, карантиндік және провизорлық стационарларда және СЭС жұмыс істейтін студенттерді атап өтті.
Медицина ғылымдарының докторы, профессор А.К.Жангабылов, медицина ғылымдарының кандидаты, профессор Б.Ж. Салимгереева сөз сөйледі.
Салтанатты рәсімнің соңында бакалавриат және интернатура түлектеріне салтанатты түрде диплом табыстау рәсімі өтті.
Ағымдағы жылдың маусымының 2-сінен 4-не дейін университетте Еуразиялық аккредиттеу және білім берудің және деңсаулық сақтаудың сапасын қамтамасыз ету орталығының Медициналық білім беру мекемелерінің институционалдық аккредиттеу стандарттарына сәйкестігін бағалау бойынша сыртқы сараптау комиссиясы жұмыс атқарады.
